മലയാളത്തിന്റെ പ്രിയ താരങ്ങളായ ജയറാം, നദിയ മൊയ്തു എന്നിവരെ കേന്ദ്ര കഥാപാത്രങ്ങളാക്കി രഘുനാഥ് പലേരി തിരക്കഥ രചിച്ച്‌ കെ.കെ ഹരിദാസ്‌ സംവിധാനം ചെയ്ത ചിത്രമായിരുന്നു ‘വധു ഡോക്ടറാണ്’ എന്ന ചിത്രം. അത് കൊണ്ട് തന്നെ ഈ ചിത്രം ബോക്സ് ഓഫീസിലും വളരെ ഗംഭീര വിജയം നേടിയിരുന്നു. അതെ പോലെ കെ.കെ ഹരിദാസിന്റെ ആദ്യത്തെ ചിത്രമായിരുന്ന ‘വധു ഡോക്ടറാണ്’ എന്ന ചിത്രം . ഈ ചിത്രം ഒരു ഹ്യൂമറിന് വളരെ പ്രാധാന്യം നല്‍കി ഒരുക്കിയ സിനിമയായിരുന്നു.
Nadiya
ആ സിനിമയില്‍ നദിയ മൊയ്തുവിനു മുന്‍പേ സിനിമാ ലോകത്തിലെ മറ്റു പ്രധാന നായിക നടിമാരെ അഭിനയിക്കുന്നതിന് വേണ്ടി സമീപിച്ചിരുന്നു. ശോഭനയെയായിരുന്നു ആദ്യ൦ ഉദ്ദേശിച്ചിരുന്നത് എന്നാൽ ഡേറ്റിന്റെ പ്രശ്നം മൂലം ചിത്രത്തിലെ നായിക വേഷം ചെയ്യാന്‍ ശോഭനയ്ക്ക് സാധിച്ചില്ല. പിന്നീട് അതെ പോലെ അടുത്ത ഓപ്ഷന്‍ ഗൗതമിയായിരുന്നു. ഗൗതമിയ്ക്കും ഈ ചിത്രത്തിൽ അഭിനയിക്കാൻ അസൗകര്യം വന്നതിനാല്‍ ഒടുവില്‍ മറ്റൊരു നായികയെ പെട്ടെന്ന് കണ്ടെത്താന്‍ കഴിയാതെ ചിത്രത്തിന്റെ അണിയറ പ്രവര്‍ത്തകര്‍ വളരെ വലിയ പ്രതിസന്ധിയിലായി.
Nadiya.2
അവസാനം നദിയ മൊയ്തു എന്ന നടി ചെയ്‌താല്‍ നന്നായിരിക്കുമെന്ന് ജയറാം അഭിപ്രായം പറഞ്ഞതോടെ ഈ ചിത്രത്തില്‍ നദിയ മൊയ്തുവിനെ കാസ്റ്റ് ചെയ്യുകയായിരുന്നു. തന്‍റെ വിവാഹത്തിന് തൊട്ടു മുന്‍പ് നദിയ മൊയ്തു ചെയ്ത അവസാന ചിത്രം കൂടിയായിരുന്നു ‘വധു ഡോക്ടറാണ്’. ‘അമ്മുക്കുട്ടി’ എന്ന മൃഗ ഡോക്ടറായി വേഷമിട്ട നദിയ മൊയ്തുവിന്‍റെ പ്രകടനം ഏറെ ശ്രദ്ധിക്കപ്പെട്ടിരുന്നു. ജഗതി ശ്രീകുമാര്‍, ഇന്ദ്രന്‍സ്, ശ്രീനിവാസന്‍, കെപിഎസി ലളിത, മാള അരവിന്ദന്‍ തുടങ്ങിയവരായിരുന്നു ചിത്രത്തിലെ മറ്റുപ്രധാന താരങ്ങള്‍.
