മലയാളത്തിൽ നിരവധി സിനിമകൾ കൊണ്ട് ഓളം സൃഷ്‌ടിച്ച പ്രമുഖ സംവിധായകനാണ് വിനയൻ. നിലവിൽ ഇപ്പോൾ വിനയന്റേതായി പുറത്തിറങ്ങാരിക്കുന്ന ഏറ്റവും പുതിയ ചിത്രമാണ് 19-ാം നൂറ്റാണ്ട്. ഈ ചിത്രത്തിലെ നായികയായി അഭിനയിക്കുന്ന കയാദുവിനെ പ്രശംസിച്ച്‌ കൊണ്ടാണ് വിനയൻ രംഗത്ത് വന്നിരിക്കുന്നത്. ഒരു നല്ല അഭിനേത്രി എന്ന നിലയിൽ കയാദു മോളിവുഡിന്റെ വളരെ അഭിമാന താരമായി മാറുമെന്നാണ് വിനയന്‍ പറയുന്നത്. അത് കൊണ്ട് തന്നെ ഈ ചിത്രത്തിലെ നായകനായ സിജു വില്‍സണ്‍ ഈ ചിത്രത്തോടെ താര സിംഹാസനത്തില്‍ എത്തുമെന്നും വിനയന്‍ നേരത്തെ പറഞ്ഞിരുന്നു.പ്രേക്ഷകർ അത് വളരെ ആകാംക്ഷയോടെയാണ് സ്വീകരിച്ചത്.
Kayadu
സംവിധായകന്‍ വിനയന്റെ വാക്കുകൾ ഇങ്ങനെ……
കേരളത്തിലെ സ്ത്രീകള്‍ 19-ാം നൂറ്റാണ്ടില്‍ അനുഭവിച്ച അവഗണനയും, അപമാനവും ഒരിക്കലും സങ്കല്‍പ്പിക്കാന്‍ പോലും കഴിയാത്ത വിധം ഹീനമായിരുന്നു. നവോത്ഥാന നായകരായ ശ്രീനാരായണ ഗുരുവിനും, ചട്ടമ്പി സ്വാമികള്‍ക്കും, അയ്യന്‍കാളിക്കും ഒക്കെ മുന്നേ അതി സാഹസികനായ ഒരു പോരാളി ഈ ക്രൂരതക്കെതിരെ തന്റെ പടവാളുയര്‍ത്തിയിരുന്നു. ആ നായകന്‍ന്റെയും അദ്ദേഹത്തേപ്പോലെ തന്നെ വീറോടും വാശിയോടും സ്ത്രീകളുടെ മാനത്തിനായി പോരാടിയ ഒരു നായികയുടെയും കഥ പറയുന്ന സിനിമയാണ് “പത്തൊന്‍പതാം നൂറ്റാണ്ട്”. ഇതിലെ നായകന്‍ സിജു വില്‍സണ്‍ ഈ ചിത്രത്തോടെ മലയാള സിനിമയുടെ താരസിംഹാസനത്തില്‍ എത്തും എന്നു ഞാന്‍ പറഞ്ഞിരുന്നു.
Kayadu 2
അതുപോലെ തന്നെ “പത്തൊന്‍പതാം നുറ്റാണ്ടി”ലെ നായിക കയാദുവും ഒരഭിനേത്രി എന്ന നിലയില്‍ മലയാളത്തിന്റെ അഭിമാന താരമായിമാറും. ഇന്നു മലയാളത്തില്‍ നിര്‍മ്മാണത്തിലിരിക്കുന്ന ഏറ്റവും വലുതും ചിലവേറിയതുമായ ഈ സിനിമയില്‍, നിങ്ങടെ മനസ്സിനെ മഥിക്കുന്ന ചരിത്ര കഥാ മുഹൂര്‍ത്തങ്ങളും, രംഗങ്ങളും ആകര്‍ഷകമായി ഒരുക്കാന്‍ പരമാവധി ശ്രമിച്ചിട്ടുണ്ട്. മലയാളത്തിലെ അന്‍പതോളം പ്രശസ്ത നടീനടന്‍മരും ഇന്ത്യയിലെ തന്നെ പ്രഗത്ഭരായ ടെക്നീഷ്യന്‍മാരും പങ്കെടുക്കുന്ന ഈ ചിത്രം ചെയ്യാന്‍ എന്നില്‍ വിശ്വാസമര്‍പ്പിച്ച നിര്‍മ്മാതാവ് ശ്രി ഗോകുലം ഗോപാലേട്ടനോടുള്ള സ്നേഹാദരവും ഇവിടെ രേഖപ്പെടുത്തട്ടെ…
